MLA is ‘n Afrikaans-medium skool wat oor die volle spektrum van sy aktiwiteite gesonde waardes en beskaafde normes handhaaf. Hierdie lewensbenadering moet uiteindelik ook deel uitmaak van die toerusting waarmee die leerders die wêreld van volwassenheid sal aandurf. Vir belangrike inligting aangaande die skool druk hier om meer te lees.

Akademie is ons hoogste prioriteit. Kwartaaliks word Top 10-presteerders uit die Hoërskool sowel as die Laerskool aangewys. Daar word ook op ‘n jaarlikse basis ‘n Top 10-toer gereël vir hierdie leerders.

MLA maak gebruik van ‘n puntestelsel asook ‘n dissiplinêre stelsel. Leerders word aan die einde van die jaar vergoed vir hul volgehoue prestasie in die klas, op die sportvelde en vir kultuur. Klasontwrigting word onder geen omstandighede geduld nie.

Wat MLA uniek maak is die feit dat teorie prakties gedemonstreer word en self gedoen word, met die landboupraktyke asook die gasvryheid- en tegniese prakties wat tydens praktiese sessies in die middae aangebied word. Die skool beskik oor 2 plase waar leerders gereeld praktiese ervaring opdoen. Daar is ‘n Braford en Drakensberg vleisbeeskuddes, Holstein melkkudde, skape, braaikuikens en akkerbougewasse, wat sojas en mielies insluit.

MLA bied aan leerders vier studierigtings waaruit gekies kan word naamlik Akademies, Landbou, Tegnies en Gasvryheidstudies. Na afloop van Gr 12 kan ons leerders hulle bekwaam in enige studierigting by universiteite in Suid Afrika. Leerders kan met ‘n Gr 12 Nasionale Senior Sertifikaat vanaf MLA in ‘n medies, veeartsenykunde, voedseltegnologie, ingenieurswese of enige ander rigting wat hul harte begeer, gaan studeer by enige universiteit in Suid Afrika.

Sportaktiwiteite by MLA se Laerskool afdeling is daar gestel vir die ontwikkeling van ‘n gesonde gees en gebalanseerde lewe by ons leerders. MLA presteer geweldig goed op sportgebied, gegewe dat ons ‘n klein skool is. Ons bied ook ‘n wyer keuse van sportaktiwiteite aan, wat grootliks tot die leerders se algemene menswees en ontwikkeling, ‘n positiewe bydrae het.

Die optrede en die afrigting deur die personeel en afrigters moet deurentyd opvoedkundig verantwoordbaar wees.

Die skool beskik ook oor ‘n dogterskoshuis- Huis Kosmos en 4 seunskoshuise – Duikers, Elande, Kudu’s en Ribbokke, waar leerders hulle kan vereenselwig met ‘n huislike atmosfeer. Die voedsel wat die leerders kry is van hoogstaande kwaliteit en ons bekwame diensdoenende personeel dra die leerders se belange op die hart. Hulle is ‘n pa en ma weg van die huis vir die leerders.

Die mikpunt is om aan elke leerder in die skool die geleentheid te gee om individueel en in spanverband te kan deelneem.

“Ware sportmangees is as ‘n deelnemer van die sportveld afstap, en mens kan nie sien of hul gewen of verloor het nie, want hulle is steeds trots, hetsy gewen of verloor.”